ზაფხული თითქმის მიიწურა, თუმცა სიცხესთან გამკლავება ჯერ კიდევ გვიწევს, ამიტომ კონდიციონერის შეძენა ბევრი ჩვენგანისთვის ისევ დღის წესრიგში რჩება. გარდა ამისა, შეგვიძლია, მომავალი წლისთვისაც დავიჭიროთ თადარიგი და გაუსაძლის სიცხეს მომზადებულები შევხვდეთ.
დღეს ტექნიკის ბაზარი გაჯერებულია სხვადასხვა ფუნქციონალის მქონე კონდიციონერებით, რაც საშუალებას გვაძლევს, მარტივად დავიკმაყოფილოთ ჩვენი საჭიროებები, თუმცა იზრდება შეცდომის ალბათობაც, რადგან სხვადასხვა გარემოსა და კლიმატურ პირობებში გასაგრილებლად განსხვავებული მახასიათებლების მქონე მოწყობილობა გვჭირდება.
საერთაშორისო ტექნიკის ბრენდის, „ჩიგოს“ საქართველოს წარმომადგენლობაში განმარტავენ, რომ გათბობა/გაგრილების სისტემების შერჩევისას ფასსა და ხარისხს შორის არჩევანის გაკეთება აღარ გვიწევს, რადგან კომპანიამ განავითარა ტექნოლოგია, რომელიც უმაღლესი ხარისხის, ჯანმრთელობისთვის უსაფრთხო კონდიციონერის მისაღებ ფასად შეძენის საშუალებას გვაძლევს.
„ჩიგო“ დღეს 180 ქვეყანაშია წარმოდგენილი. ბრენდს ათასობით მომხმარებელი ენდობა. ამასთან, მათი რიცხვი ყოველწლიურად ზრდადია. როგორც კომპანიაში განმარტავენ, კონდიციონერის შერჩევისას მნიშვნელოვანია, გავითვალისწინოთ ისეთი დეტალები, რომელიც სამომავლოდ დამატებით ხარჯებს, ჯანმრთელობის პრობლემებს და სხვა სირთულეებს აგვაცილებს თავიდან.
მთავარი შეცდომები კი, რომელსაც გაგრილების სისტემების შერჩევისას ვუშვებთ, ასეთია:
1. ოთახის ფართობისა და კონდიციონერის სიმძლავრის შეუსაბამობა
კონდიციონერის სიმძლავრე შესაბამისობაში უნდა იყოს იმ ოთახის ფართობთან, რომლის გაგრილებას გვსურს. აღნიშნულის გამოთვლა კი მარტივად შეგვიძლია. კონდიციონერის კვადრატულობა BTU ერთეულით განისაზღვრება. მოწყობილობა, რომლის მაჩვენებელი 100 BTU გახლავთ, გაათბობს და გააგრილებს დაახლოებით 3 კვ/მ-მდე ფართს. მაგალითისთვის ავიღოთ 12 000/3=4 000, რაც გულისხმობს რომ აღნიშნული კონდიციონერი გათვლილია 40 კვ/მ ფართისთვის.
2. ფილტრაციის სისტემის გაუთვალისწინებლობა
კონდიციონერის მოხმარებასთან დაკავშირებით წლების განმავლობაში გამოწვევა იყო, რომ მისი ფილტრი ჰაერში ბაქტერიებს ავრცელებდა და სივრცეში არაჯანსაღ გარემოს ქმნიდა. ამასთან, თუ ფილტრს საჭიროებისამებრ არ ვწმენდდით, პრობლემა კიდევ უფრო მწვავდებოდა.
კონდიციონერის შერჩევისას უნდა დავაკვირდეთ, რა მასალისგან არის ფილტრი დამზადებული, რათა დავრწმუნდეთ, რომ ჩვენსა და ჩვენი გარშემომყოფების ჯანმრთელობას საფრთხე არ ექმნება. „ჩიგოს“ მოწყობილობებში გამოყენებულია ჩაის ხის ფოთლებისგან დამზადებული კატეხინის ფილტრი, რომელიც ჰაერს ეფექტურად ასუფთავებს მტვრის ნაწილაკებისგან. გასათვალისწინებელია, რომ პერიოდულ წმენდას აღნიშნული ფილტრიც საჭიროებს.
3. გარემო პირობების გაუთვალისწინებლობა
სხვადასხვა კლიმატურ პირობებში განსხვავებული მახასიათებლისა და სიმძლავრის მქონე კონდიციონერი გვჭირდება. მაგალითად, მთიან რეგიონებში, სადაც ზამთარში ტემპერატურა მკვეთრად ეცემა, Inverter-ძრავიან კონდიცირების სისტემებს ანიჭებენ უპირატესობას.
ამასთან, კონდიციონერებს აქვს ისეთი რეჟიმები, როგორიცაა: ჰაერის გაწმენდა, ტენის ამოშრობა ან პირიქით – დატენიანება, ვენტილაცია, ავტომატური ჩართვა/გამორთვა (ON/OFF სისტემა). ჩვენი საჭიროებებისა და გარემო პირობების მიხედვით შეგვიძლია შევარჩიოთ, რა ტიპის კონდიციონერი გვჭირდება.
4. ენერგოეფექტურობისა და ეკოლოგიურობის უგულებელყოფა
ენერგოეფექტური კონდიციონერის შერჩევით შეგვიძლია, დავზოგოთ ფინანსები და ვიზრუნოთ გარემოზე. „ჩიგო“ ამგვარი მოდელების ფართო ასორტიმენტს გვთავაზობს. შეგვიძლია, სასურველი მოწყობილობა ჩვენი ფართობისა და საჭიროებების შესაბამისად შევარჩიოთ.
ამასთან, „ჩიგო“ გარემოზე ზრუნვისა და სოციალური პასუხისმგებლობის გათვალისწინებით, Inverter-ძრავიან კონდიციონერებში იყენებს მხოლოდ R32 ტიპის ფრეონს, რომელიც ეკოლოგიურად სუფთა, ევროსტანდარტების შესაბამისია და გაჟონვის შემთხვევაში არ გამოყოფს მავნე ნივთიერებებს. ფრეონისა და სხვა ქიმიური ნივთიერებებით ოზონის შრის დაბინძურება 21-ე საუკუნის გამოწვევაა და მისი უარყოფითი ეფექტი ადამიანის ჯანმრთელობაზეც აისახება.
5. ისეთი კონდიციონერის შეძენა, რომელსაც არ სრული კომპლექტაცია არ მოჰყვება
კონდიციონერის შერჩევისას შეიძლება გამოგვრჩეს ერთი მნიშვნელოვანი დეტალი – მოჰყვება თუ არა მას სრული კომპლექტაცია? იმ შემთხვევაში, თუ კონდიციონერს არ მოჰყვება გარე და შიდა აგრეგატის მაკავშირებელი მილები, შემდგომში დამატებითი ხარჯების გაღება მოგვიწევს.
„ჩიგოს“ შემთხვევაში, მომხმარებლის ეს საჭიროება სრულად არის გათვალისწინებული. ბრენდის გაგრილების სისტემებში გამოყენებულია სპილენძის ფრეონგამტარი მილი, რაც პროდუქტის ხარისხსა და სანდოობას უსვამს ხაზს. გასათვალისწინებელია, რომ ბევრი ცნობილი ბრენდი ჯერ კიდევ ალუმინის ფრეონგამტარ მილს იყენებს, რაც დრეკადობით, სიმტკიცითა და შესაბამისად, გამძლეობით მნიშვნელოვნად ჩამოუვარდება სპილენძს.
კონდიცირების სისტემების სწორად შესარჩევად მიმართეთ „ჩიგოს“ ქართული წარმომადგენლობის პროფესიონალთა გუნდს. დეტალებისთვის მიჰყევით ბმულს.