“მამაჩემი იყო ერთი პათოლოგი, ფსიქოპათი, რომელმაც ბავშვობა წამართვა ,” – ამის შესახებ ტრანსგენდერმა სელენამ ტელეკომპანია “ფორმულას” გადაცემაში “ყვითელი ყუთი” ისაუბრა.
“მამა განსაკუთრებულად სასტიკი მეთოდებით გისწორდებოდათ?” – გადაცემის წამყვანის შეკითხვაზე სელენა პასუხობს:
“დიახ, მამაჩემი იყო ერთი პათოლოგი, ფსიქოპათი, რომელმაც ბავშვობა საერთოდ წამართვა… – მსმელი, ნარკომანი, თუკი ადამიანს რაიმე ცუდი ჩვევა შეიძლება გააჩნდეს, მას ეს ყველაფერი ჰქონდა” – აღნიშნა მან.
გადაცემის წამყვანმა ეკა ჩხეიძემ მას ჰკითხა, დაუნახავს თუ არა მამამისს კაბის ჩაცმის ან ქალის როლის მორგების დროს, რაზეც ტრანსგენდერი იხსენებს: –“მამაჩემი მოსკოვში პერიოდულად დადიოდა ხოლმე, მაშინ არც ტელეფონი, არც არაფერი გვქონდა, მოულოდნელად ჩამოდიოდა ხოლმე. ალბათ გემახსოვრებათ, იმ პერიოდში სერიალი “კასანდრა” გადიოდა, ძალინ მიყვარდა და მეც “ბოშური” კაბა მოვირგე. სწორედ ამ დროს მამაჩემი მოვიდა და ის დღე ნამდვილ ჯოჯოხეთად მიქცია. ალუბლის ხეზე ხელებით მიმაბა, მცემა და საღამომდე ხეზე მიბმული ვიყავი. მაშინ დაახლოებით პირველი კლასის მოსწავლე ვიყავი. “ეს ბავშვი ნორმალური არ გაიზრდება” ყოველთვის ამბობდა.
უფრო ხშირად კი დედაჩემზე ძალადობდა, მას აყენებდა შეურაცხყოფას, ამ ყველაფერს კი მე მასმენინებდა. “ – იხსენებს ტრანსგენდერი სელენა.