ტრანსგენდერმა სელენამ ტელეკომპანია “ფორმულას” გადაცემაში “ყვითელი ყუთი” გაიხსენა, თუ როგორ გახდა ბავშვობაში მეზობელი მამაკაცის მხრიდან სექსუალური ძალადობის მსხვერპლი.
“ბავშვობაში ჩემს მეზობელთან ერთად ხშირად ვთამაშობდი ხოლმე, ჩემზე ბევრად უფროსი, 18 წლამდე იქნებოდა. ზოგადად ბავშვებთან თამაშისას მუდამ ქალის როლს ვირგებდი. ამ ბიჭთან სახლშივიყავით, რომელმაც “ცოლ-ქმრობანას” თამაში შემომთავაზა. ოთახში გამიყვანა, გამხადა, (წლების განმავლობაში ეს მხოლოდ თამაში მეგონა).
იმ პერიოდში ელექტროენერგია 8 საათის შემდეგ თუ მოგვეწოდებოდა, ტელევიზორის ყურება გვეკრძალებოდა, რადგან იქ კოცნა და მსგავსი სცენები იყო. ამიტომ მეც, ჩემს თანატოლებსა და ჩემზე უფროსებსაც კი არ ჰქონდათ ინფრომაცია ამ ყველაფერზე. რაც შეეხება აღნიშნული ამბის გაგრძელებას, ოთახში შემიყვანა, გამხადა, უკან ტკივილი ვიგრძენი, ვეუბნებოდი, რომ აღარ მსურდა თამაშის გაგრძელება. დაახლოებით ერთი წუთის შემდეგ ძალიან ცუდად გავხდი, მითხრა, რომ აბაზანაში გავსულიყავი, მაგრამ მე პირდაპირ სახლში გავიქეცი. ბებიაჩემს ამ “თამაშის” შესახებ ვუამბე, ის ყველაფერს მიხვდა. ჩვენ მეზობლად ბავშვების ექიმი ცხოვრობდა, მასთან მიმიყვანა, შემდეგ, როგორც მახსოვს, მამაკაცების სამეზობლო შეიკრიბა, როგორც ვიცი, ძალიან სასტიკად სცემეს, თუმცა ეს ამბავი არ გახმაურებულა, შემდეგ კი ის ბიჭი გაიქცა, იქ აღარ უცხოვრია. ამ ყველაფრის შემდეგ, კი მამაჩემი მე გამისწორდა, რადგან ფიქრობდა, რომ ძალადობა მე გამოვიწვიე, რადგან “ქალოია” ვიყავი”, – ამბობს სელენა ინტერვიუში.