წყალტუბოს სანატორიუმი „სავანე“ აუქციონზე იყიდება – ინფორმაციას გამოცემა BPN ავრცელებს და წერს, რომ სააგენტო სანატორიუმს 2 123 400 ლარად ყიდის. აუქციონი 20 სექტემბერს სრულდება. გამოცემა წერს, რომ რუსთაველის ქუჩა N19-ში მდებარე სანატორიუმის ტერიტორია 15 091 კვ.მ. არასასოფლო-სამეურნეო დანიშნულების მიწის ნაკვეთსა და მასზე განთავსებულ ნაგებობებს მოიცავს.
მათივე ინფორმაციით, საპრივატიზაციო პირობების მიხედვით, სანატორიუმის შემსყიდველმა ხელშეკრულების დადებიდან 60 თვის ვადაში არანაკლებ 100-ნომრიანი სასტუმრო უნდა ააშენოს. სასტუმრო უნდა მოიცავდეს საკონფერენციო დარბაზსა და რესტორანს. აღნიშნული ვალდებულებების შესასრულებლად კი პრეტენდენტმა არანაკლებ 6 370 200 ლარის ინვესტიცია უნდა განახორციელოს.