ხაშურის მუნიციპალიტეტის სოფელ ვაყაში მეწყერსა და ჩავარდნილ გზასთან დაკავშირებით ხაშურის მერია პირველ განცხადებას ავრცელებს და წერს, რომ პრობლემა სტიქიურმა მოლენამ გამოიწვია და გზის აღდგენამდე, გარესამყაროს მოწყვეტილ ადამიანებს ალტერნატიული გზით სარგებლობა შეეძლებათ.
26 აგვისტოს მოსული უხვი ნალექის შედეგად ხაშურის მუნიციპალიტეტის სოფელ ვაყაში წარმოიქმნა მეწყრული პროცესი.
სტიქიურმა მოვლენამ დააზიანა მეორე ხარისხოვანი გზა. შედეგად, რამდენიმე ოჯახს გადადგილების მხრივ აღნიშნულ გზაზე პრობლემა შეექმნა, თუმცა მოქალაქეები გარე სამყაროს არ არიან მოწყვეტილები, გზის აღდგენამდე მათ ალტერნატიული გზით სარგებლობა შეუძლიათ.
მუნიციპალიტეტის წარმომადგენლები ადგილზე სწავლობენ ვითარებას. შემდგომი გადაწყვეტილებების შესახებ მოსახლეობას მოგვიანებით ეცნობება.
პრევენციული ღონისძიებების ფარგლებში, სოფელ ვაყაში, მუნიციპალიტეტის მიერ გასულ წლებში მოწყობილია ნაპირდამცავი გაბიონი, სწორედ აღნიშნული პროექტის განხორციელების შედეგად მეწყრული პროცესი ნაკლები ზიანის მომტანი აღმოჩნდა“, – წერს ხაშურის მერია.