“მაიმუნის ყვავილი” ახალი Covid 19 არ არის და მისი კონტროლი შესაძლებელია, – ამის შესახებ ჯანდაცვის მსოფლიო ორგანიზაციის ევროპული ბიუროს ხელმძღვანელი, ჰანს კლუგე საუბრობს.
მისი თქმით, ინფექციის გამო პანიკის პრევენცია და დაავადების გავრცელების შეჩერება ერთობლივი და დროული ძალისხმევით და ყველაზე დაუცველ რეგიონებში ვაქცინების მიწოდებითაა შესაძლებელი.
“ვაპირებთ თუ არა კარანტინის გამოცხადებას ევროპაში? გვაქვს თუ არა საქმე ახალ კოვიდთან? – ამ კითხვებზე პასუხი ცალსახად არის – არა”, – აცხადებს კლუგე.
ჯანდაცვის მსოფლიო ორგანიზაციამ მაიმუნის ჩუტყვავილას გავრცელების გამო გლობალური საგანგებო მდგომარეობა ბოლო ორ წელიწადში მეორედ გამოაცხადა. ეს გადაწყვეტილება ჯანდაცვის მსოფლიო ორგანიზაციამ მას შემდეგ მიიღო, რაც აფრიკაში მაიმუნის ჩუტყვავილა გავრცელდა.
15 აგვისტოს შვედეთში ევროპაში მაიმუნის ყვავილის პირველი შემთხვევა დაფიქსირდა. ხოლო, Mpox ვირუსი, რომელიც მაიმუნის ყვავილის სახელითაა ცნობილი, პაკისტანშიც გამოჩნდა.