ქართველი ოლიმპიელებისადმი მიძღვნილ საზეიმო ღონისძიებაზე 250 ათასი ლარი დაიხარჯა, – ამის შესახებ მთავრობამ შესაბამისი განკარგულება გამოსცა.
დოკუმენტის თანახმად, აღნიშნული თანხის მთავრობის სარეზევრო ფონდიდან გამოყოფა ფინანსთა სამინისტროს დაევალა.
შეგახსენებთ, პარიზის 2024 წლის ოლიმპიურ თამაშებზე საქართველომ სამი ოქროს, სამი ვერცხლისა და ერთი ბრინჯაოს მედალი მოიპოვა. უფრო კონკრეტულად, ოქროს მედლების მფლობელები გახდნენ გენო პეტრიაშვილი, ლაშა ტალახაძე და ლაშა ბექაური.
ოლიმპიადაზე ვერცხლის მედალი ტატო გრიგალაშვილმა, ილია სულამანიძემ და გივი მაჭარაშვილმა მოიპოვეს. რაც შეეხება ბრინჯაოს, მისი მფლობელი ლაშა გურული გახდა.
წყარო: bpn.ge