ზაფხულის დასაწყისში ცნობილი გახდა, რომ ნანუკა ჟორჟოლიანის ქალიშვილი მარიამ გეგუჩაძე დაოჯახდა. მარიამმა ივნისში “ინსტაგრამის” საკუთარ გვერდზე უცნობ ახალგაზრდასთან გადაღებული ფოტოები და ქორწინების ბეჭედი გამოაქვეყნა. ვინ გახდა მარიამის მეუღლე, ამ თემაზე არასოდეს უსაუბრია.
როგორც AMBEBI.GE-მ გაარკვია, მარიამის რჩეული პოლიტიკოსის, “ნაციონალური მოძრაობის” წევრის ეკა ხერხეულიძის უფროსი ვაჟი, 26 წლის გიორგი მჭედლიშვილია. წყაროს ცნობით, წყვილი ერთად ცხოვრობს.
ეკა ხერხეულიძეს ორი ვაჟი – გიორგი და ნიკოლოზი ჰყავს, რომლებიც 1997-1998 წლებში შეეძინა. მეუღლე დეკლარაციაში არ ფიქსირდება. მასზე ხერხეულიძეს არასოდეს უსაუბრია. თუმცა ერთ-ერთ პოსტში ეკამ შვილებთან და ყოფილ მეუღლესთან გადაღებული ფოტო გამოაქვეყნა.