ცნობილი ჟურნალისტის ფაბრიციო რომანოს ინფორმაციით, ინგლისური კლუბი, “ლივერპული“ მზადაა, ქართველი მეკარე გიორგი მამარდაშვილი შეიძინოს და იჯარის წესით „ვალენსიაში“ დააბრუნოს.
„ინგლისური „ლივერპული“ მამარდაშვილის შეძენას და უკან, „ვალენსიაში“ იჯარის წესით დაბრუნებას განიხილავს. ფეხბურთელის სატრანსფერი ფასი დაახლოებით 30 მილიონი ევროა, ხოლო ალისონის წასვლის შემდეგ მას ძირითად მეკარედ მოიაზრებენ. მნიშვნელოვანი დეტალია, რომ მამარდაშვილი მიესალმება ამ შესაძლებლობას“, – აცხადებს რომანო.