“ეს ხდება ქვედა ვაშლიჯვარში” – ვრცელდება ფოტოები, სადაც ნიადაგზე გაჩენილი ნაპრალები ჩანს

აშლიჯვრის დასახლებაში მიწა დასკდა და ნაპრალები გაჩნდა. ფაქტის ამსახველ ფოტოებს მოალაქეები სო­ცი­ა­ლურ ქსელ­ში ავრცელებენ.

გავ­რცე­ლე­ბუ­ლი ინ­ფორ­მა­ცი­ით, ვაშ­ლი­ჯვარ­ში მო­რი­გი სამ­შე­ნებ­ლო სა­მუ­შა­ო­ე­ბი მიმ­დი­ნა­რე­ობ­და, თუმ­ცა მშე­ნებ­ლო­ბა შე­ჩერ­და, რის შემ­დე­გაც ად­გი­ლობ­რი­ვე­ბი და­ინ­ტე­რეს­დნენ და აღ­ნიშ­ნულ ტე­რი­ტო­რი­ას დრო­ნით ფო­ტო­ე­ბი გა­და­უ­ღეს, აღ­მოჩ­ნდა, რომ ად­გილ­ზე ნაპ­რა­ლე­ბია გა­ჩე­ნი­ლი.

“ეს ხდე­ბა ქვე­და ვაშ­ლი­ჯვარ­ში, ბრო­წე­უ­ლის და ია­სამ­ნის კვე­თა­ზე, შენ­დე­ბო­და კორ­პუ­სი, უეც­რად შე­წყვი­ტეს სა­მუ­შა­ო­ე­ბი, (როცა წვი­მა და ქარი არ აღელ­ვებ­დათ) გა­იყ­ვა­ნეს ტექ­ნი­კა, და­ი­ნა­ხეს, რომ უკან ზი­დავ­დნენ მი­წას, როცა კა­მა­ზე­ბით ეზი­დე­ბოდ­ნენ გა­და­საყ­რე­ლად….

სა­ეჭ­ვოდ მი­ვიჩ­ნი­ეთ მა­ცხოვ­რებ­ლებ­მა და დრო­ნით გა­და­ვი­ღეთ ეს კად­რე­ბი, (ეკ­ლე­სი­ის და პარ­კის ქვე­ვი­თა მხა­რეა) დავ­რე­კეთ მე­რი­ის ცხელ ხაზ­ზე, შე­ვა­ტყო­ე­ბი­ნეთ ზე­დამ­ხედ­ვე­ლო­ბას, მაგ­რამ რა იქ­ნე­ბა, არ ვიცი, ჯერ არ მო­სუ­ლან”, – წერს მო­ქა­ლა­ქე.

თბილისის მერია ეხმაურება მოქლაქეების მიერ სოციალურ ქსელში გავრცელებულ ინფორმაციას, რომ ვაშლიჯვრის დასახლებაში მიწა დასკდა და ნაპრალები გაჩნდა.

მერიის განცხადებით, აღნიშნულ მისამართზე, თბილისის მერიის არქიტექტურის სამსახურის ბრძანებით, შეთანხმებულია მრავალბინიანი საცხოვრებელი სახლის პროექტი, რომელსაც შპს “გელოვანი დეველოფმენთი” ახორციელებს.

უწყება ამბობს, რომ კომპანიას დაწყებული ჰქონდა საძირკვლისა და ხიმინჯების მოწყობა, თუმცა, ვინაიდან ბზარები შეინიშნებოდა, ამჟამად სამუშაოები შეჩერებულია. მუნიციპალურმა ინსპექციამ საქმის შესწავლა დაიწყო.