ვარსკვლავები სულაც არ არის ერთ ადგილას გამოკიდული, უცვლელი სხეულები, როგორც ეს უძველეს ხალხს ეგონა. ათასში ერთხელ, იქ, სადაც ცაზე იქამდე არაფერი იყო, ახალი ვარსკვლავი ჩნდება და რამდენიმე დღეში ან კვირაში კვლავ ქრება.
უძველესი ჩანაწერი ასეთი „სტუმარი ვარსკვლავისა“, როგორც მას ძველმა ჩინელმა ასტრონომებმა უწოდეს, არის ვარსკვლავი, რომელიც ცაზე 1054 წლის 4 ივლისს გამოჩნდა. ის უცებ აკაშკაშდა და მომდევნო 23 დღის განმავლობაში დღისითაც კი ჩანდა.
ამ მოვლენას დააკვირდნენ იაპონელი, ჩინელი და ახლოაღმოსავლეთელი ასტრონომები, ისევე როგორც ანასაზის ხალხი, რომელიც თანამედროვე ნიუ-მექსიკოს ტერიტორიაზე ცხოვრობდა.
2024 წლის მეორე ნახევარში, ვარსკვლავურ სისტემაში, რომელსაც ჩრდილოეთის გვირგვინის თანავარსკვლავედის T-ს უწოდებენ (T CrB), ნოვას აფეთქება მოხდება, რაც კიდევ ერთხელ იქნება ხილული დედამიწიდან. ჩრდილოეთის გვირგვინის T ჩვეულებრივზე 1500-ჯერ უფრო კაშკაშა გამოჩნდება, მაგრამ არც ისეთი შთამბეჭდავი იქნება, როგორც 1054 წლის მოვლენა იყო. განაგრძეთ კითხვა…