ემიგრანტმა იპოვა შვილი, რომელიც 33 წლის მანძილზე გარდაცვლილი ეგონა, ინფორმაციას ამის შესახებ „ემიგრანტების იმედი“ შოთო სიხარულიძე ავრცელებს.
როგორც ირკვევა, თელავის სამშობიაროში 1988 წლის 26 ივლისს სესილი მელიქიშვილს მეორე შვილის გაჩენის შემდეგ სამშობიაროში მოატყუეს, რომ სრულიად ჯანმრთელი ბავშვი გარდაიცვალა, თურმე, გააშვილეს.
სესილის 33 წლის მანძილზე შავები არ გაუხდია, ხშირად ტიროდა, უდიდეს ტკივილს ატარებდა „შვილმკვდარი დედა ვარო“ ამბობდა.
„ალექსანდრე გუგუნავას რეალური გვარი ალექსანაშვილია, დაეღუპა აღმზრდელი მშობლები, სულ მალე კი ნათესავებისგან შეიტყო, რომ ნაშვილები იყო. ბიოლოგიური მშობლების მოძებნა დაიწყო, საკუთარი დაბადების დღეც კი შეცდომით იცოდა. ბევრი მცდელობის შედეგად, მეუღლისა და მეგობრების დახმარებით, შედეგმაც არ დააყოვნა, მან ნამდვილი ოჯახი იპოვა.
ჯგუფში „ვეძებ“ მადონა მელიქიშვილმა (სესილის ძმის შვილმა) აღმოაჩინა ალექსანდრეს პოსტები და ეჭვი გამართლდა.
როდესაც სესილი ალექსანდრეს გაესაუბრა, ჰკითხა, დიდი ხალი ხომ არ ჰქონდა, დაბადებიდან ნიშანი, რომელიც უტყუარი მტკიცებულებაა. ალექსანდრეს ასევე გაახსენდა ბავშვობაში მისმა აღმზრდელმა დედამ რომ უთხრა – „თუ ოდესმე გიპოვნის დედაშენი, ამ ხალით გიპოვისო“, მაშინ არ იცოდა აყვანილი რომ იყო და არც მიუნიჭებია დიდი მნიშვნელობა ამ სიტყვებისთვის. თუმცა, ახლა უდიდესი წვლილი მიუძღვის დაბადების ნიშანს.
ერთ ძმას, ბექას ერთი შვილი ჰყავს, პრინცესა სესილიკო და ალექსანდრე 2 შვილის მამიკოა“, – წერს შოთო სიხარულიძე.
წყარო: პრაიმტაიმი
კომენტარები
0 კომენტარები
