გამოცემა LaGazzeta.ge ტედი რინერის კომენტარს ავრცელებს, რომელიცს პორტსმენმა გურამ თუშიშვილთან დაკავშირებით გააკეთა. აღნიშნულით რინერი ოლიმპიადაზე მომხდარ ინციდენტს გამოეხმაურა.
„საქართველოს ჯუდოს ძლიერი სკოლა აქვს. დღეს შესანიშნავი დღე იყო. დიდებული დაპირისპირება შედგა. გურამი დიდებული მოწინააღმდეგეა. იმედია, მომავალში ყველაფერი კარგად იქნება. ჩვენს შორის არანაირი დაძაბულობა არ არის. ის კარგი ბიჭია“ | ამბობს ტედი რინერი.
შეგახსენებთ, ტედი რინერსა და გურამ თუშიშვილს შორის შეკამათება ფრანგი სპორტსმენის ჟესტს მოჰყვა. მომხდარის გამო, თუშიშვილი შეჯიბრს დისკვალიფიკაციით გამოეთიშა და მან ბრინჯაოს მედლისთვის ბრძოლა ვეღარ გააგრძელა.
ამასთან, ძიუდოს საერთაშორისო ფედერაციის დისციპლინური კომიტეტის საბოლოო გადაწყვეტილებამდე, თუშიშვილს ძიუდოს ტურნირებში მონაწილეობა აეკრძალა.