ახლა ჩემი ძმის მკვლელი თავისუფალია, დამცირებულად ვგრძნობთ თავს, – განაცხადა გერმანიაში მოკლული ზელიმხან ხანგოშვილის ძმამ, ზურაბ ხანგოშვილმა გერმანულ გამოცემა Bild-თან ინტერვიუში, რითიც დასავლეთა და რუსეთს შორის პატიმართა გაცვლას გამოეხმაურა.
„ახლა ჩემი ძმის მკვლელი თავისუფალია. თავს დამცირებულად ვგრძნობთ. ბავშვები ობლები დარჩნენ, მე დავკარგე ჩემი საყვარელი ძმა, ხოლო მკვლელს შეუძლია ჩაეხუტოს თავის ოჯახს. ეს მტკივნეულია.
„აც შეეხება გაცვლას, რომ ეკითხათ ჩემთვის ან ჩვენთვის, დავთანხმდებოდი, თუნდაც მხოლოდ იმის გამო, გავიგებდი, რომ პუტინის ტყვეობიდან რამდენიმე პატიმარი თავისუფლდება“, – დასძინა მან.
თურქეთის დედაქალაქ ანკარაში, რუსეთსა და დასავლეთის რიგ ქვეყნებს შორის პატიმართა გაცვლა შედგა. რუეთისთვს გადაცემულ პატიმრებს შორისაა ზელიმხან ხანგოშვილის მკვლელობაში ბრალდებულიც. მანამდე გერმანიის კანცლერმა განაცხადა, რომ ზელიმხან ხანგოშვილის მკვლელობისთვის გერმანიაში მსჯავრდებული ვადიმ კრასიკოვის რუსეთისთვის გადაცემა იოლი გადაწყვეტილება არ იყო.