პარიზის ოლიმპიადის ორგანიზატორებმა ბოდიში მოიხადეს,გახსნის ცერემონიაზე წარმოდგენილი ერთ-ერთი სცენის გამო, სადაც პაროდირებული იყო ლეონარდო და ვინჩის ცნობილი ნახატი – “საიდუმლო სერობა”. ინფორმაციას ამის შესახებ „როიტერი“ ავრცელებს.
“არასდროს ყოფილა ჩვენი მიზანი, რომ უპატივცემულობა გამოგვეხატა რომელიმე რელიგიური ჯგუფის მიმართ. გახსნის ცერემონიით ვეცადეთ, გამოგვეხატა ტოლერანტობა. ჩვენ გვჯერა, რომ ეს მიზანი მიღწეულია. ადამიანებმა ეს შეურაცხმყოფლად თუ მიიღეს, ჩვენ ნამდვილად ვწუხვართ“- განაცხადა პარიზის ოლიმპიადის პრესსპიკერმა, ენ დეკამპმა.
ამ ყველაფერმა გამოიწვია კათოლიკური ეკლესიისა და საზოგადოების დიდი ნაწილის აღშფოთება მთელი მსოფლიოს მასშტაბით.