ნუ აჩქარდებით
ჯობს, აგვისტოში ნაჩქარევი და ამავდროულად, რადიკალური გადაწყვეტილება არ მიიღოთ, რადგანაც შედეგით შესაძლოა, იმაზე უკმაყოფილო აღმოჩნდეთ, ვიდრე ამას წინასწარ წარმოიდგენთ. საკუთარ თავს გადაწყვეტილებების მიღებისთვის დრო მიეცით და ვიდრე, მაგალითად, სამსახურიდან წასვლას, ურთიერთობის განახლებას ან საბოლოოდ დასრულებას დააპირებთ, კარგად დაფიქრდით.
დასვით შეკითხვები
არასწორი შეხედულებები, დაგროვილი წყენა, განსხვავებულად აღქმული სიტყვები და დასკვნები დაბნელების დერეფნის დროს შესაძლოა, თქვენთვის არაერთი კონფლიქტისა და დაპირისპირების წინაპირობა გახდეს. ამიტომაც, ჯობს, წინასწარ ეს ყველაფერი გაითვალისწინოთ, ისაუბროთ და დასვათ შეკითხვები იქ, სადაც გაუგებრობაა.
დაუთმეთ საკმარისი დრო საკუთარ თავსა და საყვარელ ადამიანებს
ვიდრე ერთ-ერთი ყველაზე ემოციური პერიოდი დაიწყება, ჯობს, ძალები აღიდგინოთ, დადებითი ენერგიით დაიმუხტოთ, საყვარელი ადამიანებისაგან მოტივაცია მიიღოთ და შემართებით განაგრძოთ იმის გაკეთება, რაც დაგეგმილი გაქვთ.
ნუ დაიგროვებთ ემოციებს
განიტვირთეთ, შეეცადეთ, ნეგატიური ემოციებისაგან გათავისუფლდეთ. სპორტი, ხელოვნება, საღამოობით გასეირნება, წიგნების წაკითხვა ყოველდღიურობის გამრავალფეროვნებაში დაგეხმარებათ. ესაუბრეთ საყვარელ ადამიანებს და მათაც, ვისთანაც რაიმე თემაზე პრობლემა და უთანხმოება გაქვთ. ჯობს, უთანხმოებები აგვისტოში მოაგვაროთ, რადგან შემდეგ პერიოდში შესაძლოა, ამის გამო კონფლიქტი კიდევ უფრო სერიოზულ ფაზაში გადავიდეს.
შეინარჩუნეთ ბალანსი
მარტოობასა და მუდმივად ხალხმრავლობაში ყოფნას, მკაცრ დიეტასა და უკონტროლო კვებას შორის ბალანსის დაცვას შეეცადეთ. აგვისტოში თითოეული ადამიანი პლანეტა პლუტონის გავლენას განიცდის. პლანეტა პლუტონს კი სწორედ უკიდურესობების გამოწვევა შეუძლია. შესაძლოა, სრული უარყოფითი შედეგი სექტემბერში, სწორედ დაბნელების დერეფნის დროს იხილოთ. ამიტომ, ჯობს, ეს საკითხიც გაითვალისწინოთ.
წყარო: “ბომონდი”