2021 წლის აპრილში ქვეყანაში შემოსული ფულადი გზავნილების ნაკადების მოცულობამ 194.1 მლნ აშშ დოლარი (666.9 მლნ ლარი) შეადგინა, რაც 145.4 პროცენტით (115.0 მლნ აშშ დოლარით) მეტია 2020 წლის აპრილის ანალოგიურ მაჩვენებელზე. ინფორმაციას ეროვნული ბანკი ავრცელებს.
მათივე ცნობით, უცხოეთიდან საქართველოში ფულადი გზავნილების 94.9 პროცენტით იმ 18 უმსხვილეს პარტნიორ ქვეყანაზე მოდის, საიდანაც ასეთი გზავნილების მოცულობამ აპრილში 1 მლნ აშშ დოლარს გადააჭარბა.
გზავნილების მოცულობით რუსეთის ფედერაცია ლიდერობს, საიდანაც საქართველოში 33.35 აშშ დოლარი გადმოირიცხა. მეორე ადგილზე 31.73 მლნ აშშ დოლარით იტალიაა, მესამეზე აშშ – 24.88 მლნ აშშ დოლარით, მეოთხეზე საბერძნეთი – 21.75 მლნ აშშ დოლარით, მეხუთეზე კი, 15.50 მლნ აშშ დოლარით ისრაელია.
წყარო: პრაიმტაიმი