სვანეთში დაკარგული ორი ახალგაზრდა გოგიტა ფარჯიანი და გიორგი გვიჩიანი იპოვეს.
“ძალიან მარტივად, ქედით ვაპირებდით გადმოსვლას, სადაც დაახლოებით 200 მეტრში შეგვხდა დათვი, ქარი ჩვენსკენ უბერავდა, კიდევ კარგი, მაგას აღვნიშნავ, მაგის მერე წამოვყევით ტყეში და ვიარეთ 4 დღე, 5. ტელეფონი დაგვიჯდა ორივეს. […] კვალი არ აგვრევია, უბრალოდ, ქედით ვაპირებდით გადმოსვლას, ქედით გადმოსვლა გადავიფიქრეთ დათვის გამო და ჩამოვედით ტყეებით, არაფერი არ აგვრევია მოკლედ, ჩვენი ფეხით ჩამოვედით ბოლომდე. ჩამოვედით ტყით, პირველივე ოჯახს ვკითხე მაღაზია და თქვენ გეძებენ სავარაუდოდო”, – ყვება გოგიტა ფარჯიანი.
გოგიტა ფარჯიანი და გიორგი გვიჩიანი ადგილობრივებმა ბოლოს კვირას, 21 ივლისს, ნახეს, მას შემდეგ კი ორი ახალგაზრდა აღარავის უნახავს.