უკრაინაში ქართველი ქალი მეუღლესთან ერთად იბრძვის, როგორც თავად ამბობს, თავის წილ სამშობლოს იქიდან იცავს, მტერი საერთოა – რუსეთი საოკუპაციო რეჟიმით. რუსკა ივანეიშვილი ახლა ლუგანსკშია დისლოცირებული. მას “პრაიმტაიმი” ესაუბრა, ქართველმა “ჯარისქალმა” აღნიშნა, რომ მისი ბრძოლის მთავარი მოტივი – საქართველოს ტერიტორიული მთლიანობისთვის მებრძოლი ჯარისკაცები არიან – ისინი, ვინც ბრძოლის ველზე ამ იდეისთვის დაეცნენ…
“ხუთი წელი საქართველოს შეიარაღებულ ძალებში ვიმსახურე. ჩემი მეუღლე 2016 წლიდან მსახურობდა უკრაინის შეიარაღებულ ძალებში, რომელიც ავღანეთიდან ჩამოსვლის შემდეგ გავიცანი. 2018 წელს, ის უკრაინიდან საქართველოში ჩამოვიდა, ვიქორწინეთ და უკრაინაში წასვლა გადავწყვიტეთ.
ჩემი ბრძოლის მიზანია, გადავიხადო ჩვენი ქართველი ბიჭების და იმ უკრაინელი ბიჭების ვალი, რომლებიც აფხაზეთში და 2008 წლის ომში გვეხმარებოდნენ, მათ თავი ჩვენთვის გაწირეს. ამჟამად, ლუგანსკში ვიმყოფებით.
რაც შეეხება შვილებს, ბავშვების გაჩენა ასე ვთქათ, გადავდეთ, რადგან როდესაც შვილების გაჩენას გადაწყვეტ, მთავარი საფიქრალი მათი სიმშვიდეში გაზრდაა.” – ამბობს ქართველი მებრძოლი ქალი.
წყარო: პრაიმტაიმი