“მეორე შანსი მომეცა ცხოვრებაში, რომელიც კეთილმა ადამიანმა მაჩუქა და ახლა ამას ვიტყვი…”– რას ამხელს გიორგი ყიფშიძე?

მსახიობმა გიორგი ყიფშიძემ  youtube-ის არხზე, რომლის სახელწოდებაცაა „შეუზღუდავი შესაძლებლობები“ , მის განვლილ გზაზე ისაუბრა.

მსახიობი გადაცემაში გულახდილად საუბრობს და ჰყვება, როგორი იყო გზა, რომელიც მსახიობმა გიორგი ყიფშიძემ გაიარა და როგორ არის ახლა.

როგორც თავად მსახიობი ამბობს, არ ეგონა თუ იმ სიტუაციიდან გამოსავალი არსებობდა, მაგრამ კეთილი ადამიანის დახმარებით მან ეს გამოსავალი იპოვა და დღეს თავს ბედნიერად გრძნობს.

„გიორგი დღეს არის ძალიან ბედნიერი ადამიანი, რადგან მეორე შანსი მომეცა ცხოვრებაში, რომელიც კეთილმა ადამიანმა მაჩუქა და ეს მივიღე ბოლომდე.

3 თვის წინ რომ გადავხედო ჩემ თავს როგორი ვიყავი, მახსენდება, რომ ვიყავი უიმედო, ყურებჩამოყრილი და გაუბედურებული ადამიანი და უცებ გამოჩნდა ჩემ ცხოვრებაში კეთილი ადამიანი, რომელსაც არ ვიცნობდი და გადაწყვიტა, რომ დამხმარებოდა. ჩემი მფარველი ანგელოზი ასე მიწერია დღეს ეს ადამიანი ტელეფონში“, – ამბობს გიორგი ყიფშიძე.

ცნობისთვის, მსახიობი, გიორგი ყიფშიძე რამდენიმე თვის წინ სამკურნალოდ თურქეთში წავიდა და იქ რეაბილიტაციის კურსს გადიოდა. იგი, წლების განმავლობაში სხვადასხვა დამოკიდებულებას, მათ შორის წამალდამოკიდებულებას ებრძოდა.