ხანძარი თბილისში – არსებული ინფორმაციით, ცეცხლი მთაწმინდაზე, ოქროყანის გზისკენ გაჩნდა. ჯერ-ჯერობით უცნობია რა გახდა ხანძრის გამომწვევი მიზეზი. საგანგებო სიტუაციების მართვის სამსახურში აცხადებენ, რომ ცეცხლი ბუჩქებსა და ბალახებს უკიდია.
მათივე ინფორმაციით, ცეცხლის სხვა ტერიტორიაზე გავრცელების საფრთხე არ არსებობს. ადგილზე მეხანძრე-მაშველები მუშაობენ და სალიკვიდაციო სამუშაოები მიმდინარეობს. ვიდეომასალა ექსკლუზიურად “მეტრონომმა” მოიპოვა და ჩვენ ამ წუთებში მეტი დეტალის გარკვევას ვცდილობთ. მასალა განახლებადია.