საქართველოს პრემიერ-მინისტრის სიტყვით გამოსვლას თავისუფლების მოედანზე, სადაც საქართველოს საფეხბურთო ნაკრების საზეიმო დახვედრა გაიმართა, ნაკრების გულშემატკივართა მხრიდან შეძახილები მოჰყვა.
„მონა, მონა, წადი!“ – სკანდირებდნენ ღონისძიებაზე შეკრებილები ირაკლი კობახიძის მისამართით.
საქართველოს ნაკრების ფეხბურთელები თავისუფლების მოედანზე მივიდნენ, სადაც ქართველ გულშემატკივრებს შეხვდნენ.
გულშემატკივრებმა ნაკრებს “ევრო2024″–ზე მიღწეული წარმატებისთვის მადლობა გადაუხადეს.
ფეხბურთელების მსვლელობა მიხეილ მესხის სტადიონიდან ღია ავტობუსით დაიწყო. ჭავჭავაძის გამზირი, მელიქიშვილისა და კოსტავას ქუჩები და რუსთაველის გამზირი – დედაქალაქის ცენტრალურ ქუჩები გულშემატკივრებით იყო სავსე.