საქართველოს ნაკრების ფეხბურთელები თავისუფლების მოედანზე მივიდნენ, სადაც ქარტველ გულშემატკივრებს შეხვდნენ.
გულშემატკივრებმა ნაკრებს “ევრო2024″–ზე მიღწეული წარმატებისთვის მადლობა გადაუხადეს.
ფეხბურთელები სცენაზე სათითაოდ ნიკა კვეკვესკირმა გამოაცხადა, რასაც ქომაგების შეძახილები მოჰყვა.
ადგილზე არ ესწრებოდა ორი ფეხბურთელი, ლობჟანიძე და გიორგი მიქაუტაძე.
როგორც კვეკვესკირმა განაცხადა. საზოგადოება მალე მედიიდან გაიგებს ახალ ამბავს გიორგი მიქაუტაძესთან დაკავშირებით, რაც დიდ სიხარულს მიანიჭებს ქომაგებს. მისი თქმით, სწორედ ამ ინფორმაციის გამოა, რომ დღეს მიქაუტაძე ვერ დაესწრო ზეიმს.
პრეზიდენტმა ფეხბურთის ეროვნული ნაკრების წევრები და ფეხბურთის ეროვნული ფედერაციის წარმომადგენლები დააჯილდოვა.
ფეხბურთელების მსვლელობა მიხეილ მესხის სტადიონიდან ღია ავტობუსით დაიწყო. ჭავჭავაძის გამზირი, მელიქიშვილისა და კოსტავას ქუჩები და რუსთაველის გამზირი – დედაქალაქის ცენტრალურ ქუჩები გულშემატკივრებითაა სავსე.