ზღვაში ორ დღიანი სამძებრო სამუშაოების შედეგად ახალგაზრდა გოგონას ცხედარი იპოვეს. სამწუხარო ინფორმაცია სოციალურ ქსელში ვრცელდება.
“ჩვენი ლამაზი ლიზა დაიღუპა, 2 დღის შემდეგ იპოვნეს ცხედარი…” – ვკითხულობთ ინფორმაციაში.
გარდაცვლილი თსუ-ს სტუდენტი – ლიზი ხოშტარიაა. სამძიმრის წერილი უკვე გამოაქვეყნა თბილისის სახელმწიფო უნივერსიტეტმა, რომელსაც უცვლელად გთავაზობთ:
“ტკივილი და დანაკარგი ოჯახისთვის, მეგობრებისთვის, უნივერსიტეტისთვის – ელიზავეტა ხოშტარია, თსუ ეკონომიკისა და ბიზნესის ფაკულტეტის სტუდენტი.
ორდღიანი ძებნის შემდეგ ჩვენი სტუდენტის დაღუპვის ფაქტი სამწუხაროდ დადასტურდა.
ივანე ჯავახიშვილის სახელობის თბილისის სახელმწიფო უნივერსიტეტი მწუხარებას გამოთქვამს ამ დიდი ტრაგედიის გამო და უსამძიმრებს მის ოჯახს, მეგობრებს, მთელ საქართველოს.”