საქართველოს კათოლიკოს-პატრიარქი ილია II დღეს სამების საკათედრო ტაძარში საკვირაო წირვას ვერ დაესწრება.
როგორც პატრიარქის პირადი ექიმი, ცისანა შარტავა ამბობს, ილია მეორე გაციებულია და გართულებების თავიდან ასაცილებლად ის რამდენიმე დღეს სახლში გაატარებს.
„პატრიარქი სამი დღის წინ გაცივდა. ჩვეულებრივი გრიპული ვირუსია, არაფერი განსაკუთრებული. ტემპერატურა არ აქვს და არც მედიკამენტოზური მკურნალობა სჭირდება, უბრალოდ გართულებების თავიდან ასაცილებლად, სახლის პირობებში ყოფნა არის სასურველი. შესაბამისად, საკვირაო წირვას ის ვერ დაესწრება“,- განაცხადა ცისანა შარტავა.
643 ნახვა
