ხმაური და დაპირისპირება სასამართლოში – ლილოში მოკლული 22 წლის ქეთი ჯავახიშვილის მშობლები ბრალდებულის ადვოკატს დაუპირისპირდნენ, მიზეზი ადვოკატის მიერ გარდაცვლილის მშობლებისთვის დასმული კითხვა გახდა, რის გამოც უფლებადამცველი მოსამართლემ 100 ლარით დააჯარიმა.
გახმაურებული მკვლელობის საქმეზე მოკლული გოგოს მშობლების ჩვენება სასამართლომ დღეს პირველად მოისმინა.
თქვეს, რომ დაკავებულმა ოთარ ცინდელიანმა ქეთი სახლიდან ღამით გაიყვანა 59 ჭრილობა მიაყენა და კვალის დაფარვის მიზნით ცხედარი თხრილში მიატოვა.
მშობლები ვარაუდობენ, რომ დაკავებული მათ შვილზე ფიზიკურად მკვლელობამდეც ძალადობდა და ფულს სძალავდა.
ქეთევან ჯავახიშვილის დედამ, ნინო ჯავახიშვილმა თქვა, რომ ოთარ ცინდელიანი ქეთი ჯავახიშვილზე სავარაუდოდ, ესპანეთში ყოფნის დროსაც ზალადობდა:
თვალი ჰქონდა გასივებული. სიჩქარეში დავარტყი ფანჯრის საკეტსო, მითხრა. ქეთის მეგობრისთვის უთქვამს, მშობლებს ვერ გავუმხილე და ეს ტრავმა ოთარ ცინდელიანმა მომაყენა, დედამისი რომ არ შესწრებოდა, შეიძლება მოვეკალიო“, – განაცხადა ჯავახიშვილმა.
მისი თქმით, ქეთი ჯავახიშვილმა ესპანეთიდან ჩამოსვლის შემდეგ ფსიქოლოგთან დაიწყო სიარული.
21 წლის ქეთი ჯავახიშვილი 28 თებერვალს, ლილოში განსაკუთრებული სისასტიკით მოკლეს. უმძიმესი დანაშაულისთვის პოლიციამ ოთარ ცინდელიანი დააკავა, რომელიც მოკლულის ნათლიის შვილია.
ქეთი ჯავახიშვილს 59 ჭრილობა ჰქონდა მიყენებული.
დაკავებული დუმილის უფლებას იყენებს.