პორტუგალიის ნაკრების მწვრთნელი საქართველოს ნაკრების თამაშით გაკვირვებულია. რობერტო მარტინესი პირდაპირ ამბობს, რომ ქართველ ფეხბურთელებს შესანიშნავი კონტრშეტევითი უნარები აქვთ. მისი თქმით, საქართველო ევროპის ჩემპიონატზე ძალიან საინტერესო თამაშს აჩვენებს და ამიტომ პორტუგალიის ნაკრებს მოსაგებად ახლა სრული კონცეტრაცია სჭირდება.
ეს მნიშვნელოვანი მატჩია. მასზეა დამოკიდებული, ვინ გავა ჯგუფიდან და ვინ ვერა. საქართველოს ნაკრები ძალიან საინტერესო თამაშს აჩვენებს. მათ შეეძლოთ დამერაცხებინათ ჩეხეთი მატჩის ბოლოს ეს მომენტი რომ გამოეყენებინათ. მათ ძალიან კარგად ითამაშეს თურქეთთანაც. ჩვენ მოსაგებად სრული კონცენტრაციის შენარჩუნება გვჭირდება. ახლა საერთოდ არ ვფიქრობ იმაზე, ვინ იქნება ჩვენი მეტოქე ფლეიოფში, ჯერ საქართველოსთან თამაში გვაქვს წინ. მათმა ნაკრებმა გამაკვირვა, ევროზე მოხვედრა ხომ იოლი არ არის. მათ შესანიშნავო კონტრშეტევითი უნარები აქვთ და ბრწყინვალე შემსრულებლები ჰყავთ, – განაცხადა მარტინესმა.
გადამწყვეტი საათების ათვლა დაწყებულია. გერმანია, თბილისის დროით 23:00 საათი – მთელი ქვეყნა ეროვნული საფეხბურთო ნაკრების საგულშემატკივოდ ემზადება. მეტოქე პორტუგალიაა, ერთ-ერთი ძლიერი ნაკრები მსოფლიოში, მაგრამ საქართველოს ჯგუფიდან გასვლის შანსი, რა თქმა უნდა, აქვს. ეს კი იმას ნიშნავს, რომ დღეს საღამოს საქართველოს ნაკრებმა პორტუგალიის ნაკრები უნდა დაამრაცხოს. ნებისმიერი სხვა ვარიანტი ჩვენს ნაკრებს ჯგუფში ჩატოვებს.