“ვალსენსიას” და საქართველოს ნაკრების მეკარე, გიორგი მამარდაშვილი ევროპის ჩემპიონატის მეორე ტურის სიმბოლურ ნაკრებში მოხვდა – საუკეთესო თერთმეტეული პორტალმა Sofascore-მა დაასახელა.
„მამარდაშვილმა საოცრად ითამაშა და ის ტურის საუკეთესო ფეხბურთელი გახდა“, – ასე გამოეხმაურა პორტალი ქართველი მეკარის გამოსვლას ჩეხეთის წინააღმდეგ.
Sofascore-ის მიხედვით, გიორგი მამარდაშვილმა 10-ბალიანი სისტემით 9.8 ქულა მიიღო.
გიორგი მამარდაშვილმა ევრო 2024-ის მეორე ტურში ჩეხეთის ნაკრებთან (1:1) შესანიშნავი მატჩი ჩაატარა. მან მეტოქის დარტყმული ბურთი მატჩის განმავლობაში 11-ჯერ მოიგერია, რაც ტურნირზე საუკეთესო შედეგია. ქართველი მეკარის თამაში უეფა-მაც გამოარჩია და ის მატჩის საუკეთესო ფეხბურთელად აღიარა.
წყარო: “პირველი არხი”