გეგმური სარეაბილიტაციო სამუშაოების გამო, „ენერგო-პრო ჯორჯიას“ აბონენტების ნაწილს ელექტროენერგიის მიწოდება შეეზღუდება. ამის შესახებ ინფორმაციას კომპანია ავრცელებს.
„ქსელის გეგმური სარეაბილიტაციო სამუშაოების გამო, 21 ივნისს 11:00 საათიდან 18:00 საათამდე ელექტროენერგიის მიწოდება შეეზღუდება აბონენტებს მცხეთის რაიონის სოფლებში: ქვემო ლისი, ფშატების მიწა, ლელუბანი, თხინვალა, მუხათწყარო და მიმდებარე სოფლებში;
11:00 საათიდან 17:00 საათამდე აბონენტებს თიანეთის რაიონის სოფლებში – ღულელები, საყდრიონი, სიმონიანთხევი, ალოტი, დევენაანთხევი, თოლენჯი და მიმდებარე სოფლებში;
13:00 საათიდან 18:00 საათამდე აბონენტებს სოფელ დიღომში კვირაცხოველის, ფელიქს ჰოლდაკის, მღდლიანთ უბნის, ფერმების უბნის და მიმდებარე ქუჩებზე. სარეაბილიტაციო სამუშაოების დასრულებისთანავე, ელექტროენერგიის მიწოდება ჩვეულ რეჟიმში აღდგება“ , – ნათქვამია გავრცელებულ განცხადებაში.