„ჯორჯიან უოთერ ენდ ფაუერის“ ინფორმაციით, მაგისტრალური ქსელის აღდგენითი სამუშაოები 6 დღეში დასრულდება.
როგორც გავრცელებულ განცხადებაშია აღნიშნული, სოფელ წიწამურის მიმდებარედ წყალმომარაგების ცენტრალური მაგისტრალური მილსადენის დაზიანების აღსადგენად მეწყრული მიწის ფერდის მოხსნის სამუშაოები 17 ივნისიდან 24 საათიან უწყვეტ რეჟიმში აქტიურად მიმდინარეობს.
„მეწყრულ ფერდობზე უკვე მეშვიდე ტერასა ეწყობა. დატერასების სამუშაოების პარალელურად ადგილზე მილის საძიებო სამუშაოები სპეციალური ტექნოლოგიებით ხორციელდება. დატერასების სამუშაოების დასრულების შემდეგ დაზიანებული მილის მონაკვეთი ლოკალურად შეკეთდება“, – აღნიშნულია გავრცელებულ ინფორმაციაში.