ამით ბედნიერები ვართ – ქართველი გულშემატკივარი, ჩვენს გამო, სტადიონზე ბოლომდე იხარჯება… ჩვენს იმავეს შემოგთავაზებთ, – ამის შესახებ საქართველოს ნაკრების ფეხბურთელმა, გიორგი ქვილითაიამ მედიასთან განაცხადა.
„მიუხედავად იმისა, რომ გუშინ სტადიონზე ბევრად ნაკლები ვიყავით, მართლა იგრძნობოდა ქართველი გულშემატკივრის გვერდით დგომა. ეს მთელი თამაშის განმავლობაში იგრძნობოდა. ამით ბედნიერები ვართ – ქართველი გულშემატკივარი, ჩვენს გამო, სტადიონზე ბოლომდე იხარჯება. ჩვენც აუცილებლად იგივეს შემოგთავაზებთ, რასაც აქამდე ვაკეთებდით, აუცილებლად ბოლომდე დავიხარჯებით.
გულშემატკივრები, რომლებიც მოვლენ და ბოლომდე ჩვენს გვერდით იქნებიან, აუცილებლად წავლენ კმაყოფილები,“ – თქვა გიორგი ქვილითაიამ ჟურნალისტებთან.
შეგახსენებთ, 18 ივნისს ევროპის ჩემპიონატის ფარგლებში საქართველომ პირველი სადებიუტო თამაში თურქეთთან გამართა. საქართველოს ნაკრები თურქეთთან პირველ შეხვედრაში 1:3 დამარცხდა. გუნდის ისტორიული, პირველი გოლი გიორგი მიქაუტაძემ გაიტანა.