“თუ ხელისუფლება თავს ესხმის უდანაშაულო მოქალაქეებს, ეს თავს ესხმის ევროპულ ღირებულებებს,” – ამ განცხადებას გერმანიის ბუნდესტაგის საგარეო საქმეთა კომიტეტის თავმჯდომარმ, მიხაილ როთი აკეთებს და ზუკა ბერძენიშვილის ცემას ეხმაურება.
როთის შეფასებით, ქართული კოშმარი ვერ მართავს საქართველოს სამოქალაქო საზოგადოების დაშინებით.
“ისევ და ისევ და ისევ:
როცა ისინი დაბლა მიდიან, ჩვენ მაღლა მივდივართ.
ქართული კოშმარი ვერ მართავს საქართველოს სამოქალაქო საზოგადოების დაშინებით. თუ ხელისუფლება თავს ესხმის უდანაშაულო მოქალაქეებს, ეს თავს ესხმის ევროპულ ღირებულებებს.
გაიმარჯვებს დემოკრატია, თავისუფლება + ღირსება. ადრე თუ გვიან,” – წერს როთი.
“სირცხვილიას” წევრს, დღეს დილით, სახლთან, თავს დაესხნენ და ფიზიკურად გაუსწორდნენ. აქტივისტების ინფორმაციით, ბერძენიშვილს სამი პირი ზურგიდან მიეპარა და ფიზიკურად გაუსწორდა.
ბერძენიშვილზე თავდასხმის ფაქტზე შინაგან საქმეთა სამინისტრომ გამოძიება დაიწყო. საქმე აღიძრა სისხლის სამართლის კოდექსის 126-ე მუხლის პირველი პრიმა ნაწილით, რაც ჯგუფურად ჩადენილ ძალადობას გულისხმობს.