2024 წლის ივნისი საკმაოდ ნაყოფიერი თვე იქნება და არაერთ ახალ შესაძლებლობას მოგვცემს. ამავდროულად, ასტროლოგებმა დაასახელეს რამდენიმე თარიღი, რომლებიც ყველაზე წარმატებული იქნება და თუკი რაიმე მნიშვნელოვანი გეგმა გაქვთ, აპირებთ საქმიან შეხვედრებსა და მოლაპარაკებებს, ჯობს, ამ დღეების ენერგია გამოიყენოთ:
ერთ-ერთი ასეთი დღე 7 ივნისია. ამ დღეს პლანეტა მერკური “სამეფო გრადუსში” იქნება. ეს განსაკუთრებულ წარმატებასა და იღბალს გპირდებათ. განსაკუთრებით, პროფესიული კუთხით. კარგი დროა საქმიანი შეხვედრებისა და კონტაქტებისთვის. ასევე, ხელშეკრულებების გაფორმებისა და მოლაპარაკებებისათვის. თუკი პროფესიული თვალსაზრისით რაიმე მნიშვნელოვანს გეგმავთ, ამ დღეს განახორციელეთ. წარმატების გაცილებით მეტი შანსი გექნებათ.
13 და 14 ივნისი გამარჯვებებისა და წარმატების მომტანი თარიღებია. როგორც ასტროლოგები ამბობენ. აღნიშნულ დღეებში თუ რაიმე ახალს დაიწყებთ, ინვესტიციას ჩადებთ სასურველ საქმესა და პროექტში, მნიშვნელოვან შესყიდვას განახორციელებთ, ასევე დიდი წარმატება და მოგება გელოდებათ.
შემდეგი ხელსაყრელი თარიღი 21 ივნისსაა. როგორც ასტროლოგები ამბობენ, ეს დაბნელებებს შუა არსებული თარიღია და ამ დღეს შესაძლოა, სრულიად მოულოდნელი, სასიამოვნო სიურპრიზების წინაშე აღმოჩნდეთ. ყველა პროექტი წარმატებით დაგვირგვინდება, ძალიან დიდ მოტივაციასა და შემართებას იგრძნობთ და გექნებათ შესაძლებლობა, ოცნების საქმეებს შეეჭიდოთ.
ივნისი ტყუპების თვეა! მათ ამ თვეში არაერთი წარმატება და ხელსაყრელი შეთავაზება ელოდებათ. მათთან ერთად, განსაკუთრებული იღბალი ელით ლომებს, სასწორებსა და თევზებს.
როგორც ასტროლოგები ამბობენ, ამ თვეში გექნებათ შესაძლებლობა, ბევრი გადაუჭრელი საკითხი მოაგვაროთ, ფინანსური მდგომარეობა დაასტაბილუროთ, შინაგანად ეჭვებისა და ტოქსიკური ურთიერთობებისაგან გათავისუფლდეთ და ცხოვრების განახლებული, კიდევ უფრო წარმატებული ეტაპი დაიწყოთ.
წყარო: “ბომონდი”