ბოლო რამდენიმე წელია, რაც თმის მოვლის ინდუსტრიაში კერატინის პროცედურამ განსაკუთრებული ადგილი დაიკავა. რბილი, ბზინვარე და ჯანსაღი თმა – მოლოდინი ასეთია, თუმცა, უკანასკნელი კვლევის თანახმად, თმის გაჯანსაღებისთვის შექმნილი პროცედურის ხანგრძლივმა ზემოქმედებამ შეიძლება გამოიწვიოს ჯანმრთელობის გრძელვადიანი პრობლემები.
თმის ცვენა, ქერტლი, კანის სიმშრალე, ალერგია, სასუნთქი სისტემის, ღვიძლისა და თირკმლის პრობლემები – ბრიტანულ სამედიცინო ჟურნალში გამოქვეყნებული სტატიის თანახმად, ჩამოთვლილი სიმპტომების უკან თმის ქიმიური გასწორების პროცედურა, ანუ კერატინი დგას.
26 წლის ქალმა ეს პროცედურა სამჯერ ჩაიტარა. ყოველი ვიზიტის შემდეგ ის კლინიკაში სხვადასხვა სიმპტომით ხვდებოდა, კვლევის შედეგად კი დადგინდა, რომ მის სისხლში კრეატინინის დონე საკმაოდ მაღალი იყო. სწორედ აქედან გაჩნდა კითხვა, უსაფრთხოა თუ არა კერატინი და აზიანებს თუ არა მასში შემავალი ქიმიური ნაერთები თირკმელს?
კერატინი არის ბუნებრივი ცილა, რომელიც კანის, ფრჩხილისა და თმის შემადგენლობაში შედის, თუმცა პროცედურა, რომელიც თმის ბზინვარებისთვის გამოიყენება, შეიცავს ქიმიურ დანამატებს – ფორმალდეჰიდსა და გლიკოლის მჟავას.
წყარო: ამბები.ჯი