“საქართველოს მთავრობის მიერ მიღებულ კანონს შეერთებულ შტატებთან არანაირი კავშირი არ აქვს”, – ამის შესახებ შეერთებული შტატების სახელმწიფო დეპარტამენტის პრესსპიკერმა მეთიუ მილერმა, დღეს გამართულ ბრიფინგზე განაცხადა.
ამის შესახებ მეთიუ მილერმა ჟურნალისტ ალექს რაუფოღლუს მიერ დასმულ შეკითხვას უპასუხა, რომელიც ლავროვის მოადგილის ბრალდებას შეეხებოდა, თითქოს შეერთებულ შტატებს საქართველოში “მაიდანის სცენარით” ხელისუფლების დამხობა სურს.
“ის, რაც თქვენ ნახეთ საქართველოში ბოლო რამდენიმე კვირის განმავლობაში, ქართველი ხალხის ნების გამოხატვაა და მათი წინააღმდეგობაა კრემლის მიერ მხარდაჭერილი კანონის მიმართ, რომელიც საქართველოს მთავრობამ მიიღო. მას არანაირი კავშირი არ აქვს შეერთებულ შტატებთან”, – აცხადებს მეთიუ მილერი.