ამ წელს პლუტონი ყველაზე მეტად შემდეგი ნიშნების ცხოვრებას შეცვლის:
თხის რქა
რეტროგრადული პლუტონი შეგახსენებთ, რომ პირადი ცხოვრებისა და კარიერის დაბალანსება აუცილებელია. შესანიშნავი შანსი გექნებათ, პროფესიული კუთხით დაწინაურდეთ, არსებული გამოცდილება და ცოდნა სრულად გამოიყენოთ, მაგრამ თუკი საკუთარ თავს დროს არ დაუთმობთ, საყვარელ ადამიანებთან კომუნიკაციას შეწყვეტთ, ეს განსაკუთრებით დაგაზიანებთ.
კურო
ეს პერიოდი გაძლევთ შესაძლებლობას, საკუთარ თავს აჯობოთ, გახდეთ უფრო თავდაჯერებული და სრულად გამოავლინოთ ის, რაც იცით . ყოველივე ამის შემდეგ, საზოგადოებაშიც და კარიერაშიც მნიშვნელოვან აღიარებას მიიღეთ. კიდევ უფრო მეტ მოტივაციას იპოვით და გადაწყვეტთ, საკუთარი თავი სხვა მიმართულებითაც განავითაროთ.
ლომი
რეტროგრადული პლუტონი გრძელვადიან ურთიერთობებში დიდ ცვლილებებს მოგიტანთ. შესაძლოა, აღნიშნული პერიოდი ერთგვარ გამოცდადაც კი გადაიქცეს, როცა ან საბოლოოდ დაასრულებთ კონკრეტულ ურთიერთობას ან განახლებულ ეტაპს დაიწყებთ. მნიშვნელოვანია, საკუთარი ემოციური მდგომარეობა არ უგულებელყოთ და განიტვირთოთ.
მორიელი
2024 წლის 2 მაისიდან 12 ოქტომბრის ჩათვლით პერიოდი განსაკუთრებით მნიშვნელოვანი იქნება, რადგანაც პლუტონი თქვენი ერთ-ერთი მმართველი პლანეტაა. მოგიწევთ, ბავშვობის ტრავმებს, შემდგომ განვითარებულ მოვლენებს, რომლებმაც თქვენს ემოციურ მდგომარეობაზე განსაკუთრებული გავლენა მოახდინა, კიდევ ერთხელ ჩაუღრმავდეთ. ამით კი მნიშვნელოვანი გაკვეთილის გამოტანას შეძლებთ. აღნიშნული პერიოდი სულიერ ტრანსფორმაციაში დაგეხმარებათ, რაც განსაკუთრებით გაგაძლიერებთ და კიდევ უფრო გაცნობიერებულად განაგრძობთ ცხოვრებას.
მერწყული
თქვენთვის 2024 წელი მნიშვნელოვანი ცვლილებების პერიოდი იქნება. შესაძლოა, მრავალი გრძელვადიანი ურთიერთობა, რომლებიც უკვე ტოქსიკურად გადაიქცა, საბოლოოდ დასრულდეს და ცხოვრების განახლებული ეტაპის დაწყება შეძლოთ. რეტროგრადული პლუტონი კიდევ უფრო მეტ თავდაჯერებულობასა და სითამამეს მოგანიჭებთ, ახალი შესაძლებლობები გაგეხსნებათ და ბევრ მოვლენასაც სრულიად განსხვავებული თვალით შეხედავთ.
წყარო: “ბომონდი”