გუშინ, პარლამენტმა „უცხოური გავლენის გამჭვირვალობის შესახებ“ კანონი, 84 ხმით, პროტესტის ფონზე დაამტკიცა. პლენარული სხდომის პარალელურად, საკანონმდებლო ორგანოსთან დილიდან იმართებოდა საპროტესტო აქცია შეძახილებით: „არა რუსულ კანონს!“.
საპარლამენტო უმრავლესობის მიერ პრეზიდენტის მიერ დადებული ვეტოს დაძლევას აქციაზე საპროტესტო შეძახილები მოჰყვა. მალევე გავრცელდება დემონსტრანტების ფოტოები, რომელშიც ჩანს, თუ როგორ ემოციურად შეხვდნენ აქციის მონაწილეები კანონის საბოლოოდ მიღებას.
ერთ-ერთ ფოტოზე ხელოვანი ირა ლავრინენკოა, რომლის გვერდით თვალცრემლიანი გოგონა დგას.
როგორც მხატვარი და გრაფიკოსი წერს, გოგონას, რომელიც მასთან ერთად არის ფოტოზე აღბეჭდილი, არ იცნობს.
„ვღრიალებთ ეს გოგო საყვარელი და მე… ეს გოგო პატარა გადასარევი, არ ვიცნობდი და მოვიდა ჩამეხუტა, სიფრიფანა გოგო გადაუდგა შავრაზმელებს გმირულად. მოკლედ ვიტირეთ ერთად”, – წერს ირა ლავრინენკო.
ფოტო: რადიო “თავისუფლება“”
ფოტო: გოგა ჩანადირი