პრეზიდენტი ქვეყნის ევროული მომავლის გადასარჩენად გაერთაინების ინიციატივით გამოდის და საზოგადოებასა და პოლიტიკურ სპექტრს განსხვავებული ერთობის მოდელს სთავაზობს.
სალომე ზურაბიშვილმა პოლიტიკურ პარტიებს “ქართული ქარტია” შესთავაზა. პრეზიდენტის თქმით, მისი სამოქმედო გეგმა სწორედ “ქართული ქარტიის” ირგვლივ გაერთიანებაა, რომლის პუნქტების შესრულებაც, მისი თქმით, არამხოლოდ ევროპული ინტეგრაციისთვის, არამედ საქართველოს დემოკრატიისთვისაა აუცილებელი.
“მთავარი არხი” ავრცელებს იმ პოლიტიკური სუბიექტების სიას, ვინც ამ დროისთვის პრეზიდენტის ინიციატივას უერთდება:
- “ახალი”
- “ერთიანი ნაციონალური მოძრაობა”
- “სტრატეგია აღმაშენებელი”
- “გირჩი – მეტი თავისუფლება”
- “დროა”
- “ლელო საქართველოსთვის”
- “ევროპული საქართველო”
- საპარლამენტო ჯგუფი “ევროოპტიმისტები”
- თამარ კორძაია
- თაკო ჩარკვიანი