ტყუპები ზოდიაქოს ერთ-ერთი ყველაზე ცნობისმოყვარე, აქტიური და კომუნიკაბელური ნიშანია. ზოდიაქოს ამ ნიშნის გავლენით კიდევ უფრო მეტად გახსნილები და თავისუფლები გავხდებით და ემოციების გამოხატვის ნაკლებად მოგვერიდება. ვენერას სიყვარულისა და ურთიერთობის პლანეტას, იუპიტერს კი გამარჯვებების, სიახლეების პლანეტას უწოდებენ. ამიტომაც, როცა ეს ორი პლანეტა ტყუპების ნიშანშია, დიდი შანსია, რომ პირად ცხოვრებაში ბევრი რამ შეიცვალოს. ასტროლოგებმა დაასახელეს ზოდიაქოს 4 ნიშანი, რომლებიც 2024 წლის ივნისში ნამდვილ სიყვარულს შეხვდებიან და სასიამოვნო თავგადასავალს შეიქმნიან:
მშვილდოსანი
ვენერასა და იუპიტერის ტყუპების ნიშანში ტრანზიტი თქვენს მე-7 სახლზე მოახდენს გავლენას, რაც გრძელვადიან პარტნიორობასა და ქორწინებაზეა პასუხისმგებელია. 2024 წლის ივნისში შესაძლოა, შეხვდეთ ადამიანს, რომელიც იმდენად მოგეწონებათ, რომ მასთან ერთად მომავლის შექმნაზე სერიოზულად დაფიქრდებით. (ასევე დაგაინტერესებთ: ზოდიაქოს 3 ნიშანი, რომლებსაც 2024 წლის ივნისში განსაკუთრებული წარმატება და ოცნებების ასრულება ელის – ასტროლოგები ასახელებენ)
თევზები
ძველ ნაცნობს, იმ ადამიანს, რომელიც ადრე მოგწონდათ, მაგრამ შემდეგ დაივიწყეთ ან მათ, ვისაც მშობლები გირჩევდნენ, ახლა შესაძლოა, სრულიად სხვა თვალით შეხედოთ და აღმოაჩინოთ, რომ ის ადამიანი, რომელსაც დიდი ხანია, ელოდებით, სინამდვილეში, თქვენთან ახლოსაა. 2024 წლის ივნისი სასიყვარულო ურთიერთობების კუთხით საინტერესო თავგადასავალსა და სასიამოვნო დღეებს გპირდებათ.
სასწორი
მოუსმინეთ თქვენს ინტუიციას. ახლა თქვენს პირად ცხოვრებაში მნიშვნელოვან გადაწყვეტილებების დრო დგება. შესაძლოა, არსებულ ურთიერთობას სრულიად განსხვავებული თვალით შეხედოთ და სერიოზული ნაბიჯის გადადგმა გადაწყვიტოთ. ან კიდევ შეიძლება, საბოლოოდ თქვათ მასზე უარი. ნებისმიერ შემთხვევაში, დროა ცხადი და მკაფიო გადაწყვეტილება მიიღოთ. ამაში ეს თვე ნამდვილად დაგეხმარებათ.
ტყუპები
გლობალური ცვლილებები გელით – პირველად, 12 წლის შემდეგ, ვენერა და იუპიტერი თქვენს ნიშანში ერთდროულად გადადიან. ამიტომ, გაიხსენეთ ის მნიშვნელოვანი ამბები, რომლებიც 12 წლის წინ მოხდა თქვენს ცხოვრებაში. თუ მაშინ ვინმე მოგწონდათ, მაგრამ თქვენი ურთიერთობა არ განვითარდა, ახლა დიდი შანსი გაქვთ, რომ ეს ურთიერთობა კვლავ განაახლოთ. შესაძლოა, სრულიად მოულოდნელად ახალ ადამიანსაც შეხვდეთ და მან გამოიწვიოს მოწონება. ნებისმიერ შემთხვევაში, ივნისი, სასიყვარულო ურთიერთობების კუთხით, არაერთ სიურპრიზს გიმზადებთ.
წყარ0: “ბომონდი”