როგორც მოგეხსენებათ, გიორგი მიქაუტაძე დღემდე ამსტერდამის “აიაქსის” საკუთრებაა და მას “მეცში” იჯარით ყოფნა 1 თვით დარჩა.
ჟორჟს და მთლიანად გუნდს ამ დროის განმავლობაში უმნიშვნელოვანესი პლეი-ოფის მატჩები ელის, სადაც გადაწყდება “მეცის” ბედი – რჩება თუ არა ლიგა 1-ში.
ამის ფონზე საქართველოს ნაკრები ავსტრიაში შეკრებას 26 მაისს იწყებს, ფრანგული გუნდი კი მიქაუტაძის გამოშვებას პლეი-ოფის მატჩებამდე არ აპირებს, ეს ინტერვიუში კლუბის სპორტულმა დირექტორმა, იერ დრეოსიმ დაადასტურა.
მან ასევე ფორვარდის მომავლის შესახებ გააკეთა კომენტარი:
“გიორგის უყვარს კლუბი და 100%-ით ითამაშებს პლეი ოფის მატჩებში. რაც შეეხება მისი გამოსყიდვის ვარიანტს, ეს შეკითხვა, პრეზიდენტ სერინს უნდა დაუსვათ”.