საქართველოს ეროვნული ნაკრებისთვის ევროპის 2024 წლის ჩემპიონატი 18 ივნისს თურქეთთან შეხვედრით დაიწყება. ცხადია, ჩვენს ნაკრებს ფავორიტის სტატუსს ვერ მივანიჭებთ, თუმცა უნდა ითქვას, რომ ქვეყანაში მაინც დიდი შემართება და მოლოდინებია.
სწორედ ფავორიტებისა და აუტსადერთა შესახებ გამოქვეყნდა პროცენტული ცხრილი, რომლის მიხედვითაც საქართველოს ნაკრებს ევროპის ჩემპიონატის მოგების ყველაზე დაბალი მაჩვენებელი აქვს.
ბუქმეიკერები ვილი სანიოლის ფორმაციის გუნდს სულ რაღაც 0.1% აძლევენ, რასაც ეტაპობრივად მოსდევენ სლოვაკეთი (0.12%), სლოვენია (0.12%), ალბანეთი (0.14%) და სხვები.
რაც შეეხება ტურნირის მთავარ ფავორიტს, ექსპერტების აზრით, ის გარეთ საუთგეიტის ინგლისის ნაკრებია, რომელსაც 23.8% აქვს მინიჭებული.