ცოტა ხნის წინ ილიას უნივერსიტეტის ემერიტუს-პროფესორი, გამოჩენილი ქართველი ფსიქოლოგი, ფსიქოლინგვისტი, ბავშვის მეტყველებისა და განვითარების ფსიქოლოგიის მკვლევარი ნათელა იმედაძე გარდაიცვალა.
“ილიას სახელმწიფო უნივერსიტეტი ღრმა მწუხარებით იუწყება, რომ გარდაიცვალა ნათელა იმედაძე, ილიას უნივერსიტეტის ემერიტუს-პროფესორი, გამოჩენილი ქართველი ფსიქოლოგი, ფსიქოლინგვისტი, ბავშვის მეტყველებისა და განვითარების ფსიქოლოგიის საუკეთესო მკვლევარი.
ქალბატონი ნათელა, მისი თაობის გამორჩეულ მეცნიერებთან ერთად, ილიას უნივერსიტეტის დაარსების დღიდან ქმნიდა უნიკალურ სასწავლო-საგანმანათლებლო და კვლევით გარემოს სტუდენტებისა და ახალგაზრდა მეცნიერებისთვის.
ნათელა იმედაძე, დიმიტრი უზნაძის სახელოვანი მოწაფე, მაღალი საერთაშორისო ავტორიტეტის ქართველი მეცნიერი, საქართველოში კროსლინგვისტური კვლევების ფუძემდებელი, ფსიქოლოგიის არაერთი დარგის საუკეთესო მკვლევარი, მეცნიერთა თაობების აღმზრდელი, განასახიერებს მთავარ საუნივერსიტეტო იდეას: სამეცნიერო თაობებს შორის უწყვეტ მემკვიდრეობით კავშირს.
ქალბატონი ნათელა 2 ივნისს 95 წლის გახდებოდა.
პანაშვიდი გაიმართება 23 და 24 მაისს;
გამოსვენება 25 მაისს, 2 საათზე.
მისამართი: თბილისი, ჭონქაძის ქუჩა 4.” – ვკითხულობთ ილიას სახელმწიფო უნივერსიტეტის განცხადებაში.