რა გავლენას ახდენს მთვარე ადამიანის ცხოვრებაზე და როგორ უნდა დაგეგმოთ საქმეები სხვადასხვა ფაზის დროს ისე, რომ წარმატებას მიაღწიოთ
რა გავლენას ახდენს მთვარე ადამიანის ცხოვრებაზე და როგორ უნდა დაგეგმოთ საქმეები სხვადასხვა ფაზის დროს ისე, რომ წარმატებას მიაღწიოთ
მთვარე ადამიანების ცხოვრებაზე, ყოველდღიურობაზე განსაკუთრებულ გავლენას ახდენს და ამაზე უძველესი დროიდან საუბრობენ. ადამიანები მთვარის ფაზების მიხედვით სამეურნეო საქმეებსა თუ სხვა საკითხებს საგულდაგულოდ გეგმავდნენ და ამბობდნენ, რომ ეს მიდგომა ამართლებდა. მთვარე გავლენას ახდენს ჩვენს ემოციებზე, გრძნობებზე, განწყობასა და განცდებზე. შესაბამისად, ასტროლოგები მუდმივად საუბრობენ, რას უნდა მივაქციოთ ყურადღება სავსე მთვარის, ახალი მთვარის ან სხვა მონაკვეთის პერიოდში, რისი გაკეთებაა რეკომენდებული და რასთან უნდა ვიყოთ ფრთხილად.
ითვლება, რომ მთვარის ყველაზე იდუმალი ფაზა სავსემთვარეობაა. უძველესი დროიდან სჯეროდათ, რომ ამ ფაზაში ყველა “ბოროტი სული” თავისუფლდება. სავსემთვარეობის დღეებში ადამიანებში აგრესიის დონე იმატებს, რაც ჩხუბსა და კონფლიქტს იწვევს. ამ პერიოდში იმაზე მეტად ფეთქებადი და იმპულსური ხართ, ვიდრე ჩვეულებრივ. ამიტომაც, თუკი მნიშვნელოვან საქმეებსა და მოლაპარაკებებს გადაწყვეტთ, ეს ფაქტორი გაითვალისწინეთ. ასევე, მნიშვნელოვანია, რომ დრო მშვიდად გაატაროთ და კონფლიქტურ სიტუაციაში არ ჩაერთოთ. ბევრ ადამიანს სავსემთვარეობის დროს უძილობა აწუხებს, ზოგიერთი ქრონიკული დაავადება კი უმწვავდება. ამ პერიოდში ზედმეტად გადაღლა, ალკოჰოლის მიღება, საშინელებათა ფილმების ყურება და ემოციური ფონის კიდევ უფრო მეტად დაძაბვა რეკომენდებული არ არის. გაისეირნეთ ბუნებაში, გააკეთეთ ის, რაც სიამოვნებას განიჭებთ, მოუსმინეთ საყვარელ მუსიკას და დადებითი განწყობა შეიქმენით. სავსემთვარეობის დღეს ჯობს, ახალ, მასშტაბურ პროექტებს არ შეეჭიდოთ და არც რადიკალური ცვლილებები დაგეგმოთ. მომატებულმა ემოციურმა ფონმა შესაძლოა, შეცდომაში შეგიყვანოთ.
რა გავლენას ახდენს მთვარე ადამიანის ცხოვრებაზე და როგორ უნდა დაგეგმოთ საქმეები სხვადასხვა ფაზის დროს ისე, რომ წარმატებას მიაღწიოთ
