“ერთი ბიჭია იარაღით, მოხუცი ქალი გამოუშვა… შუბლზე მომადო იარაღიო” – ბანკის დაყაჩაღების ადგილზე მყოფი პირები დეტალებს ჰყვებიან

ავლაბარში, სადაც ბანკში შეიარაღებულმა პირმა მძევლები აიყვანა, ადგილზე მყოფი პირები მომხდარის დეტალებზე ჰყვებიან.

ერთ-ერთი მამაკაცის თქმით, ის გაესაუბრა ქალს, რომელმაც ბანკის ფილიალი თავდამსხმელის ნებართვით დატოვა:

“შიგნით შევიდა ბანდიტი, 3 თანამშრომელი ჰყავს და ერთი დაცვა. აქ ვიდექი ბირჟაზე. მოქმედი ბანკია. ერთი ბიჭია იარაღით. იქიდან გამოვიდა მოხუცი ქალი. უთქვია, რომ გამიშვი გაკვეთილები მაქვს ბავშვებთანო. გამოუშვია, მე არ გამოვჩნდები და თქვენ გადითო, შუბლზე მომადო იარაღიო,” – აცხადებს ადგილზე მყოფი მამაკაცი.