ვანისა და ბაღდათის მიტროპოლიტმა, მეუფე ანტონმა, რუსულ კანონთან დაკავშირებული განსხვავებული მოსაზრების გამო, ბაღდათში, მამა მაკარს მსახურება შეუჩერა.
“მთავარი არხის” ინფორმაციით, გადაწყვეტილება დღეს ეპარქიის სხდომაზე იქნა მიღებული.
“მთავარ არხს” წყარო უყვება, რომ ერთ-ერთი მიზეზი მამა მაკარს და მეუფე ანტონს შორის რუსულ კანონთან დაკავშირებით განსხვავებული შეხედულება გახდა, თუმცა, ამავე წყაროს ცნობით, ეს არ იყო ერთადერთი მიზეზი, რადგან მათ შორის აზრთა სხვადასხვაობა სხვა პოლიტიკურ და საეკლესიო თემებზეც იყოს.
ცნობილი ხდება, რომ მამა მაკარსა და მეუფე ანტონს შორის ინციდენტი რამდენიმე დღის წინ მოხდა, ფაქტი კი დღეს მისი გაურკვეველი ვადით მსახურების შეჩერებით დასრულდა.