ქართველ ფეხბურთელზე ხვიჩა კვარაცხელიაზე Geo Team მორიგ სტატიას ავრცელებს, რომელსაც უცვლელად გთავაზობთ.
“წარმოუდგენელია, მსგავსი რამ 5 წელშიც არ ხდება!”
იტალიის ნაკრების მთავარი მწვრთნელი, ლუჩანო სპალეტი მიიჩნევს, რომ მწვრთნელების ხშირმა ცვლილებამ ხვიჩა კვარაცხელიას სტილის ფეხბურთელს ცუდი საქმე გაუკეთა.
“3 მწვრთნელი კლუბში 5 წელიწადშიც არ იცვლება, წარმოუდგენელი მიდგომაა.
როგორ შეიძლება რამდენიმე თვეში 3 სხვადასხვა მწვრთნელთან ერთსა და იმავე დონეზე თამაშობდე, როცა სამივეს განსხვავებული სათამაშო ფილოსოფია აქვს” – თქვა სპალეტიმ.
იტალიელმა ასევე დაამატა: “კვარაცხელია ზუსტად ისეთი ტიპის ფეხბურთელია, რომელსაც ყოველდღე დაცვა და მხარდაჭერა სჭირდება. ის კარგად უნდა დაამუშავო. მას ხანდახან სჭირდება გაიგოს შენგან, რომ ძლიერია, რათა დემოტივაცია არ დაემართოს.”
ლუჩანო სპალეტი ხვიჩა კვარაცხელიასთან ერთად ერთი სეზონის განმავლობაში მუშაობდა. მისი მწვრთნელობისას ხვიჩა იტალიის ჩემპიონი, სერია A-ს სეზონის საუკეთესო ფეხბურთელი და ჩემპიონთა ლიგის სეზონის საუკეთესო ახალგაზრდა ფეხბურთელი გახდა.