ბრიტანელი მსახიობი, ბერნარდ ჰილი 79 წლის ასაკში გარდაიცვალა.
ბერნარდ ჰილმა კარიერა 1970-იან წლებში დაიწყო და ჯამში 55-მდე ფილმში და 42 სერიალში აქვს ნათამაშები. მისი ყველაზე ცნობილი როლებია მეფე თეოდენი ბეჭდების მბრძანებლის ტრილოგიიდან და კაპიტანი ედვარდ სმითი ფილმიდან ტიტანიკი.
ჰილმა პირველად განსაკუთრებული ცნობადობა 1982 წლის სერიალიდან Boys from the Black Stuff მოიპოვა, სადაც ის ლივერპულში მცხოვრები კაცის, იოსერ ჰიუს როლს ასრულებს, რომელიც უმუშევრობასთან დაკავშირებულ პრობლემებთან გამკლავებას ცდილობს.