რუსული კანონის მეორე მოსმენის კენჭისყრაში საპარლამენტო უმრავლესობის ლიდერს, მამუკა მდინარაძეს მონაწილეობა არ მიუღია, შესაბმისად მას არც ხმა მიუცია.
არსებული ინფორმაციით, მდინარაძემ “სასწრაფო ოპერაცია გაიკეთა”.
“დილით ფეხი ვეღარ დავდგი, რომ იტყვიან, გაუსაძლისი ტკივილი მქონდა და აღმოჩნდა, რომ 12-მილიმეტრიანი სეკვესტრირებული თიაქარით დავდიოდი. ხვალ დილით მიკეთებენ ოპერაციას ხერხემალზე და ამიტომ ვერ ვიყავი დღეს, ჩათვალეთ, 84-ე ხმა ჩემია”–განაცხადა მდინარაძემ.
პარლამენტმა რუსული კანონი პლენარულ სესიაზე მეორე მოსმენით, ისევ 83 ხმით მიიღო. პირველი მოსმენისგან განსხვავებით, კანონპროექტს მხარი დაუჭირა პოლიტიკური ჯგუფის, „ევროპელი სოციალისტების“ თავმჯდომარემ ფრიდონ ინჯიამ.
კენჭისყრაში არ მონაწილეობდა საგარეო ურთიერთობათა კომიტეტის თავმჯდომარე ნიკოლოზ სამხარაძე, რომელიც აშშ-ში, მივლინებაშია. თუმცა სხდომას დაესწრო ფრაქცია „ქართული ოცნების“ წევრი გივი ჭიჭინაძე, რომელიც კანონპროექტის პირველი მოსმენით კენჭისყრის დროს სხდომაზე არ იმყოფებოდა.