გარდაბნის მუნიციპალიტეტის სოფელ ზემო თელეთში ურთიერთშელაპარაკებისას ახალგაზრდა მამაკაცი ცივი იარაღით მოკლეს.
განზრახ მკვლელობის ბრალდებით შინაგან საქმეთა სამინისტრომ გარდაცვლილის თანასოფლელი და ბავშვობის მეგობარი დააკავა.
„შინაგან საქმეთა სამინისტროს ქვემო ქართლის პოლიციის დეპარტამენტის თანამშრომლებმა, ცხელ კვალზე ჩატარებული ოპერატიულ-სამძებრო ღონისძიებებისა და საგამოძიებო მოქმედებების შედეგად, 1984 წელს დაბადებული დ.ა. განზრახ მკვლელობის ბრალდებით დააკავეს.
თანასოფლელებს მკვლელობის მოტივზე ლაპარაკი უჭირთ.
დაღუპული კაცი თელეთის მცხოვრები დათო კუმელაშვილია. მას მეუღლე და მცირეწლოვანი შვილი დარჩა.