საქართველოს პრემიერ-მინისტრი გიორგი გახარია რუსეთის პრეზიდენტს, ვლადიმერ პუტინს შეიძლება შეხვდეს. აღნიშნული საკითხი ოკუპანტი ქვეყნის ემისრის, ვლადიმერ ხომერიკის განცხადებამ გამოიწვია, რომელმაც მსგავსი აუდიენცია არ გამორიცხა. მეტიც ხომერიკი ამბობს, რომ ორი ქვეყნის პირველი პირები ერთ მაგიდასთან უნდა შეიკრიბონ.
მედიაში გაჩნდა ვარაუდი, რომ ლავროვისა და ზალკალიანის შეხვედრა სწორედ გახარია-პუტინის მოლაპარაკების მომზადებას ისახავდა მიზნად.
რუსეთთან ურთიერთობის საკითხებში პრემიერის წარმომადგენელი, ზურაბ აბაშიძე აცხადებს, რომ მას მთავრობის მეთაურისგან მსგავსი დავალება არ მიუღია.
“არსად არ წერია, რომ რახან მინისტრები შეხვდნენ, აუცილებლად შეხვდებიან პირველი პირები. ვნახოთ ეს ურთიერთობა მომავალში როგორ გაგრძელდება, მაგრამ ლავროვი-ზალკალიანის შეხვედრა ერთჯერადი ხასიათის იყო. ასეთი რამ (გახარია-ლავროვის) შეხვედრა არ იგეგმება”- თქვა ხომერიკმა.
რაც შეხება ვლადიმერ ხომერიკს, მან საქართველო უკვე დატოვა. გახარიას კი დღეს პუტინთან შესაძლო შეხვედრაზე კომენტარი არ გაუკეთებია.